نستعرض اليوم في ويب لينك اس لتصميم مواقع الويب” نصيحه علي ماشي من HR ”
ليا واحده زملتي كانت بتحكيلي ان مديرها بيخليهم يقولوا اي فكرة تيجي في بالهم حتى لو بسيطه او عبيطه ملهاش علاقه بالشغل لأن دا هيخليهم كتير يفكروا و كمان ممكن تكون فعلا فكرتهم حلوة و تنفع
اكتشفت ان لما يكون مديرك مدير سوي محترم
انسان قبل ما يكون مدير دا بجد رزق كبير ليك
بيبقى
– قادر يخليك تحب الشغل و تكون متقبل ضغوطات الشغل .
– قادر يخليك تطلع احسن ما عندك .
-بيفرح لنجاحك .
-مش بينسب نجاحك ليه هو لأن هو اصلا عارف قدراته كويس ولانه فاهم اصلا ان نجاح التيم بتاعه من نجاحه هو.
-قائد مش مدير بس.
-المدير اللي بيبقى فاهم قدرات كل واحد في التيم بتاعه وبيعرف يوظفها كويس و بيبقى عايز ينمي القدرات الباقيه.
-بيعرف تخليك تحبه و تبقى خايف تقصر من حبك ليه مش خوف منه او من سلطته او سلاطة لسانه.
-الشخص اللي بيقف في ظهر التيم بتاعه و مايخليش حد يقل منه .
-الشخص اللي لو حد من فريقه غلط بيقف جنبه و بيعرفه غلطه في نفس الوقت .
-بيركز في راحتك النفسيه علشان هي اللي هتخليك تعرف تشتغل و تنتج.
لو انت مدير بلاش تستهون بكل النقط اللي فوق دي
ارحم موظفينك و ارفق بيهم ،راحة موظفينك هتعود عليك انت بالنجاح ليك ولشركتك .
موظفينك هيفضلوا يفتكروك بانك كنت كويس و محترم و شخص فاهم شغله و عارف ان اللي بيشتغل معاه دول بني أدم مش آلات .
بعد استعراض نصيحه علي ماشي من HR ننتظر التعليقات
اقرا لي ايضا :-
اكثر الامور التي ستندم عليها بعد بلوغك سن الثلاثين
نقد المرؤوس لك يجعلك أكثر إبداعًا